मिझोरम
एकीकडे तीन राज्यात सत्ता येत असताना कॉंग्रेसला मिझोरम मध्ये पराभवाचे तोंड पहावे लागत आहे या राज्यात कॉंग्रेसचे पानिपत झाले आहे . मिझो नॅशनल फ्रन्टला (MNF) स्पष्ट बहुमत मिळण्याचा अंदाज आहे.मिझोराम विधानसभेत एकूण ४० जागा असून एमएनएफला २९ जागांवर आघाडी मिळाली आहे. मावळते मुख्यमंत्री ललथनहवला यांचा चंफाई (दक्षिण) मतदारसंघातून पराभव झाला आहे.
मिझोराम राज्यात सरकार स्थापन करण्यासाठी २१ आमदार निवडून येणे गरजेचे आहे. एनएमएफला आतापर्यंत २९ जागांची आघाडी मिळाली आहे. काँग्रेस ६ जागांवर पुढे असून भाजपला ३ जागांची आघाडी मिळाली आहे. मिझो नॅशनल फ्रन्टने सर्व जागा लढवल्या होत्या. भाजपने ३९ तर पीपल्स पार्टीने ९ उमेदवार निवडणुकीच्या मैदानात उतरवले होते. मिझोराममध्ये ७५ टक्के मतदारांनी मतदानाचा हक्क बजावला होता. मिझोराममध्ये १९९८ ते २००८ पर्यंत नॅशनल फ्रन्टच्या जोरमथंगा यांचे सरकार होते.
मिझोराममध्ये स्पष्ट बहुमत मिळण्याचे स्पष्ट होताच कार्यकर्त्यांनी पक्षाच्या मुख्यालयाबाहेर मोठी गर्दी केली असून मिठाई वाटून जल्लोष साजरा केला आहे.
No comments:
Post a Comment