लखनऊ दि
सोशल मीडियामुळे लग्न जुळले, जुने मित्र सापडले. हरवलेला भाऊ, बहिण सापडली या आणि यासारख्या बातम्या नेहमीच वाचल्या असतील. सोशल मीडियाचे जितके फायदे तितके तोटे सुद्धा आहे. याचा प्रत्ययही वेळोवेळी येत आहे. व्हॉट्सअॅपवर जरा जास्तच 'ऑनलाइन' राहिल्यामुळे एका तरुणीसोबत लग्न करण्यास तरुणाने नकार दिला आहे. ही घटना उत्तर प्रदेशमधील अमरोहा जिल्ह्यात घडली आहे.
लग्नाला काही तास उरले असताना होणाऱ्या नवरदेवाने तरुणीसोबत लग्न करण्यास नकार दिला. मुलगी व्हॉट्सअॅपवर फारच वेळ घालवते. ती सतत ऑनलाइन असते. लग्न जुळल्यापासून ती सतत माझ्या नातेवाईकांना मेसेज पाठवतेय, असा आरोप नवऱ्या मुलाने केला असून त्या तरुणीसोबत लग्न करण्यास नकार दिला आहे. लग्नमंडपात लग्नाचे विधी सुरू होण्याच्या काही तासांआधी नवरदेवाकडील मंडळीनी हा निर्णय घेतला. लग्न करणार नसल्याचा निरोप सुद्धा नवऱ्याकडील मंडळींनी फोन करून दिला.
No comments:
Post a Comment