मी टू प्रकरणी आता दिग्दर्शक राजकुमार हिरानी यांचे नाव पुढे आले आहे. एका महिलेने त्यांच्यावर लैंगिक शोषणाचे आरोप केले आहेत. हफिंग्टन पोस्ट या संकेतस्थळाने केलेल्या दाव्यानुसार, 'संजू' सिनेमासाठी सहाय्यक दिग्दर्शनाचे काम केलेल्या महिलेने हिरानी यांच्यावर आरोप केले आहेत. या सिनेमाच्या पोस्ट प्रोडक्शनच्या वेळी हिरानी यांनी आपले शोषण केले असा या महिलेचा आरोप आहे.
हिरानी यांनी महिलेचे आरोप फेटाळून लावले आहेत. ते म्हणाले, 'मी हे सर्व आरोप फेटाळून लावतो. कोणत्याही प्रकारच्या चौकशीसाठी मी तयार आहे.' या महिलेने संकेतस्थळाला दिलेल्या मुलाखतीत म्हटले आहे की, 'वडील दुर्धर रोगाने ग्रस्त असल्याने या नोकरीची मला गरज होती. त्यामुळे हिरानी यांचे गैरवर्तन मी सहन केले आणि आपले काम करत राहिले.'
No comments:
Post a Comment