महिना उलटत नाही तोच तुकाराम मुंढेंची पुन्हा बदली

कडक शिस्त आणि धडाकेबाज निर्णयांसाठी ओळखले जाणारे आयएएस अधिकारी तुकाराम मुंढे यांची महिनाभरातच बदली करण्यात आली आहे. एड्स नियंत्रण मंडळात प्रकल्प संचालकपदी त्यांची नियुक्ती करण्यात आली आहे.


मुंढे यांची नाशिक महापालिकेच्या आयुक्तपदावरून महिनाभरापूर्वीच बदली करून राज्याच्या नियोजन विभागाच्या सहसचिवपदी नियुक्ती करण्यात आली होती. पुणे पालिका परिवहन सेवेच्या व्यवस्थापकीय संचालकपदावरून बदली होऊन त्यांची नाशिक महापालिकेच्या आयुक्तपदावर नियुक्ती करण्यात आली होती. मात्र, तिथेही त्यांनी आपली धडाकेबाज कामगिरी सुरूच ठेवली. त्यामुळं सत्ताधारी आणि मुंढेंमध्ये संघर्ष टोकाला पोहोचला होता. तेथून २२ नोव्हेंबर २०१८ रोजी मुंबईत राज्याच्या नियोजन विभागाच्या सहसचिवदी करण्यात आली होती. महिना उलटत नाही तोच त्यांची पुन्हा बदली करण्यात आली आहे. गेल्या बारा वर्षांत बदली होण्याची ही त्यांची तेरावी वेळ आहे.