संपूर्ण महाराष्ट्राला हादरवून सोडणाऱ्या बीडमधील सुमित वाघमारे हत्याकांडातील आणखी दोन आरोपींना पोलिसांनी अटक केली आहे. बालाजी लांडगे व संकेत वाघ अशी त्यांची नावं असून त्यांना अमरावतीतून अटक करण्यात आली आहे.
कुटुंबीयांच्या इच्छेविरोधात बहिणीशी प्रेमविवाह केल्यानं संतापून बालाजी लांडगे यानं सुमित वाघमारेचा खून केला होता. मागील आठवड्यात ही घटना घडली होती. या प्रकरणी कृष्णा क्षीरसागर या आरोपीला पोलिसांनी रविवारीच अटक केली होती. मात्र, मुख्य आरोपी बालाजी लांडगे आणि वाघ हे दोघे गेल्या पाच दिवसांपासून फरार होते. पोलीस त्यांचा कसून शोध घेत होते. अखेर सहा दिवसांनंतर त्यांना अटक करण्यात आली आहे.
मृत सुमित वाघमारे हा बीड येथील आदित्य इंजिनिअरिंग कॉलेजमध्ये शेवटच्या वर्षात शिकत होता. परीक्षा देऊन घरी परतत असताना त्याच्यावर हल्ला करण्यात आला होता. त्यात त्याचा मृत्यू झाला होता.
No comments:
Post a Comment