मराठावाडाच्या वाटयाला नेहमीच निसर्गाने दुजाभाव केला आहे त्यात प्रशासनाने घातलेली मेख अधिकच भर घालत असल्याने प्रहार संंघटनेच्यावतीने पैनंगगा नदीपात्रात इसापूर धरणांचे पाणी सोडण्यात यावे अशी मागणी रेटून धरली पण त्यास कुठलाही प्रतिसाद मिळत नसल्याचे लक्षात येताच धरणात उतरून आंदोलन करण्याचा पावित्रा घेतला आणि आज त्यास पुर्ततेची जोड दिली.
इसापूर धरणावर प्रहारचे कार्यकर्ते उतरणार असल्याचे समजताच पोलीसांनी कडेकोटेे बंदोबस्त होता. गेल्या दोन दिवसापासून प्रहारच्या कार्यकर्त्यांना धरणापासून २ किमी अलिकडेच अडविण्यात आले होते. त्यामुळे दोन दिवसापासून पोलीस डोळ्यात तेल घालून जागत होते. थंडीमुळे गाढ झोपलेल्या पोलीसांना चकमा देऊन गनिमी काव्याने आज प्रहारच्या कार्यकर्त्यांनी इसापूर धरणात उड्या मारल्याने प्रशासनाच्या पायाखालची वाळू सरकली. उड्या मारणारे सर्वच प्रहारचे कार्यकर्ते आंदोलन पूर्ण करून सुखरूप बाहेर पडल्यामुळे बंदोबस्तासाठी आलेल्या प्रशासनाने सुटकेचे निश्वास सोडला आहे.
या आंदोलनात महागाव येथील उपजिल्हाप्रमुख अमोल आवटे, रियाज पारेख, पवन धरणकर,रानू कुरेशी, शेखर माहूरे, सागर डोंगरे, अक्षय भालेराव, अभिजीत कांबळे, निलेश खंदारे, माजिद शेख, विठ्ठल देशमुख, बालाजी बालपेलवाड, गजानन ठाकरे,अनिल पाटिल कदम, बालू पाटिल शिरपुले, गणेश कदम, सुभाष देशमुख हदगाव, यांच्यासह अनेक प्रहार कार्यकर्तै या शेतकरी हितार्थ अंदोलनात सहभागी झाले असून, आंदोलकांचे व्हिडीओ त्यानं सोशियल मिडयावरून व्हायरल केल्याने इसापूर धारणा जवळ कडेकोट पोलीस बंदोबस्त असताना प्रहारचे हे कार्यकर्ते धरणात पोचून आंदोलन करून बाहेर निघाले ते पोलिसांनाच माहीत नव्हते काय..?
या ठिकाणी धरण परिसरात जाण्यास प्रतिबंध म्हणून कलम १४४ लागू नसल्याचे यावरून दिसून येत आहे. एकूणच आंदोलन सुरू असताना प्रशासनही किती बेफिकीर वागत असल्याचे दिसून आले आहे.
No comments:
Post a Comment