'रिझर्व्ह बँक आणि सरकार यांचे नाते हे पती-पत्नीसारखे

नवी दिल्ली:-

'रिझर्व्ह बँक आणि सरकार यांचे नाते हे पती-पत्नीसारखे आहे. दोन्ही संस्था सौहार्दपूर्ण संबंधाने काम करतील अशा पद्धतीने त्यांच्यातील मतभेद सुटले पाहिजेत,'असे माजी पंतप्रधान डॉ. मनमोहनसिंह यांनी म्हटले आहे. 

चेजिंग इंडिया या पुस्तक प्रकाशनानंतर ते पत्रकारांशी बोलत होते. ते म्हणाले,'रिझर्व्ह बँकेची स्वायत्तता आणि स्वातंत्र्याचा आदर केला पाहिजे. त्याचवेळी या दोघांचे नाते हे पती-पत्नीसारखे आहे. जर काही खटके उडाले किंवा मतभेद झाले तर ते दोन्ही महान संस्था सौहार्दाने काम करतील अशाच पद्धतीने ते मिटले पाहिजेत. आम्हाला मजबूत आणि स्वतंत्र रिझर्व्ह बँक हवी आहे, जी केंद्र सरकारशी सहकार्याने काम करेल. एकत्रितपणे काम करण्यासाठी सरकार आणि रिझर्व्ह बँक मार्ग शोधतील असा मला विश्वास आहे.'